ಬರ್ತ್‌ಡೇ ಹಿರೋಯಿನ್‌ | ಒಂದೂವರೆ ದಶಕದ ನಂತರವೂ ಸ್ಪರ್ಧೆಯಲ್ಲಿರುವ ತ್ರಿಷಾ

ಚಿತ್ರಕತೆ ಆಯ್ಕೆಯಲ್ಲಿ ನಟಿ ತ್ರಿಷಾ ಆರಂಭದಿಂದಲೂ ಎಚ್ಚರಿಕೆ ವಹಿಸಿದವರು. ಮಸಾಲಾ ಸಿನಿಮಾಗಳಲ್ಲೂ ನಟನೆಗೆ ಸ್ಕೋಪ್‌ ಇರಬೇಕೆನ್ನುವುದು ಅವರ ನಿಲುವು. ಹಾರರ್‌-ಥ್ರಿಲ್ಲರ್‌ ಮಾದರಿಯಲ್ಲಿ ಯಶಸ್ಸು ಕಾಣುತ್ತಿರುವ ತ್ರಿಷಾ, ಇಂದು (ಮೇ 4) ಮೂವತ್ತಾಲ್ಕನೇ ಜನ್ಮದಿನ ಆಚರಿಸಿಕೊಳ್ಳುತ್ತಿದ್ದಾರೆ

ದಕ್ಷಿಣ ಭಾರತದ ನಟಿ ತ್ರಿಷಾ ಬೆಳ್ಳಿತೆರೆಗೆ ಕಾಲಿಟ್ಟು ಒಂದೂವರೆ ದಶಕವೇ ಆಯ್ತು. ಪ್ರಧಾನವಾಗಿ ತಮಿಳು, ತೆಲುಗು ಚಿತ್ರಗಳಲ್ಲಿ ನಟಿಸಿರುವ ಅವರು ಕನ್ನಡ, ಮಲಯಾಳಂ ಮತ್ತು ಹಿಂದಿ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಹಾಗೆ ನೋಡಿದರೆ ಆಕೆ ತುಂಬಾ ಸುಂದರಿಯೇನಲ್ಲ. ತಮ್ಮ ಮಿತಿಗಳನ್ನು ಅರಿತಿದ್ದ ಅವರಿಗೆ ಆರಂಭದಲ್ಲಿ ಅದೃಷ್ಟವೂ ಕೈಹಿಡಿಯಿತು. ‘ಪಕ್ಕದ್ಮನೆ ಹುಡ್ಗಿ’ ಇಮೇಜಿನೊಂದಿಗೆ ಬೆಳ್ಳಿತೆರೆಯಲ್ಲಿ ಗುರುತಿಸಿಕೊಂಡ ಅವರು ಕ್ರಮೇಣ ಗ್ಲಾಮರ್ ಪಾತ್ರಗಳಲ್ಲೂ ಜಾಗ ಪಡೆದರು. ಮುಂದೆ ಅಭಿನಯಕ್ಕೆ ಸ್ಕೋಪ್‌ ಇರುವಂತಹ ಸದೃಢ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಾ ಬಂದರು. ಉತ್ತರ ಭಾರತದ ನಾಯಕನಟಿಯರ ಪೈಪೋಟಿಯನ್ನು ದಕ್ಷಿಣದ ನಾಯಕಿ ತ್ರಿಷಾ ಸಮರ್ಥವಾಗಿ ಎದುರಿಸಿದರು. ಒಂದು ಹಂತದಲ್ಲಿ ದೊಡ್ಡ ಹೀರೋಗಳೊಂದಿಗೆ ಅವರಿಗೆ ಅವಕಾಶಗಳು ಸಿಗದಾದಾಗ ತ್ರಿಷಾ ನಿರಾಶರಾಗಿದ್ದು ಹೌದು. ಅವರ ವೃತ್ತಿಬದುಕಿನಲ್ಲಿ ದೊಡ್ಡ ಬೆಳವಣಿಗೆಗಳೇ ಕಾಣಿಸಲಿಲ್ಲ. ಹೊಸ ನಟಿಯರ ಪೈಪೋಟಿ ಎದುರಿಸುವಲ್ಲಿ ವಿಫಲರಾಗಿ ಮಂಕಾಗಿದ್ದರು. ಆಗ ಅವರ ಕೈಹಿಡಿದದ್ದು ಹಾರರ್‌ ಸಿನಿಮಾಗಳು.

‘ಅರನ್‌ಮನೈ2’ ಮತ್ತು ‘ಮಾಯಾ’ ಹಾರರ್‌-ಥ್ರಿಲ್ಲರ್ ಸಿನಿಮಾಗಳು ಅವರ ಕೈಹಿಡಿದವು. ಸುಂದರ್‌ ಸಿ ನಿರ್ದೇಶನದ ‘ಅರನ್‌ಮನೈ 2’ ತಮಿಳು ಸಿನಿಮಾ ತ್ರಿಷಾ ವೃತ್ತಿಬದುಕಿಗೆ ತಿರುವಾಯ್ತು. 2014ರಲ್ಲಿ ತೆರೆಕಂಡ ‘ಅರನ್‌ಮನೈ’ ಸರಣಿ ಚಿತ್ರವಿದು. ನಾಯಕಿಪ್ರಧಾನ ಹಾರರ್‌-ಥ್ರಿಲ್ಲರ್‌ನಲ್ಲಿ ಅವರೇ ಹೀರೋ! ತ್ರಿಷಾ ಸಿನಿಮಾ ಬದುಕಿಗೆ ಮತ್ತೆ ಹುರುಪು ತುಂಬುವಲ್ಲಿ ಈ ಚಿತ್ರ ಒಳ್ಳೆಯ ವೇದಿಕೆಯಾಯ್ತು. ಇದಾದ ನಂತರ ಅವರ ‘ಮಾಯಾ’ ತೆಲುಗು-ತಮಿಳು ದ್ವಿಭಾಷಾ ಸಿನಿಮಾ ಕೂಡ ಬಾಕ್ಸ್‌ ಆಫೀಸ್‌ನಲ್ಲಿ ಯಶಸ್ಸು ಕಂಡಿತು. "ಹಾರರ್‌-ಥ್ರಿಲ್ಲರ್‌ ಸಿನಿಮಾಗಳಲ್ಲಿ ಕತೆಯೇ ಮುಖ್ಯ. ನಾಯಕಿಪ್ರಧಾನ ಸಿನಿಮಾಗಳು ನಟಿಯರ ಸಿನಿಮಾ ಕೆರಿಯರ್‌ಗೆ ಬ್ರೇಕ್‌ ಕೊಡುತ್ತವೆ. ನಾನು ಹಾರರ್‌ಗೆ ಋಣಿ,” ಎನ್ನುವ ತ್ರಿಷಾ ಇದೇ ಜಾನರ್‌ನ ‘ಮೋಹಿನಿ’ ಚಿತ್ರದೊಂದಿಗೆ ತೆರೆಗೆ ಬರುತ್ತಿದ್ದು, ಮತ್ತೊಂದು ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ. ಒಂದೂವರೆ ದಶಕಗಳ ಸಿನಿಮಾಯಾನದಲ್ಲಿ ತ್ರಿಷಾ ನಟಿಸಿರುವ ಚಿತ್ರಗಳ ಸಂಖ್ಯೆ ಐವತ್ತೈದು ದಾಟುತ್ತದೆ. ನಾಲ್ಕು ಫಿಲ್ಮಫೇರ್ ಸೇರಿದಂತೆ ಹಲವು ಪ್ರಮುಖ ಸಿನಿಮಾ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.

'ಪವರ್‌’ ಕನ್ನಡ ಚಿತ್ರ

‘ಆರು’ ತಮಿಳು ಚಿತ್ರ

‘ಸಾಮಿ’ ತಮಿಳು ಚಿತ್ರ

ಇದನ್ನೂ ಓದಿ : ವಿಡಿಯೋ | ರಜನಿ‌ ‘ಕಾಳ’ ಸಿನಿಮಾದ ‘ಸೆಮ್ಮ ವೀಟು’ ಹಾಡು ಕಾರ್ಮಿಕರಿಗೆ ಅರ್ಪಣೆ

ಸಿನಿ ತಾರೆಯರಿಂದ ತ್ರಿಷಾಗೆ ಶುಭಾಶಯ

ನೆಟ್‌ಫ್ಲಿಕ್ಸ್ ಜೊತೆ ಸಿನಿಮಾ ನಿರ್ಮಾಣ ಒಪ್ಪಂದಕ್ಕೆ ಸಹಿ ಹಾಕಿದ ಒಬಾಮಾ ದಂಪತಿ
ಟ್ರೈಲರ್‌ | ಆ್ಯಂಡಿ ಸರ್ಕಿಸ್‌‌ ನಿರ್ದೇಶನದಲ್ಲಿ ರಡ್ಯಾರ್ಡ್‌ ಕಿಪ್ಲಿಂಗ್‌ರ‌ ಜನಪ್ರಿಯ ‘ಮೋಗ್ಲಿ’
ತಂದೆ ಅಮಿತಾಭ್‌ ಜೊತೆ ಜಾಹೀರಾತಿಗಾಗಿ ಕ್ಯಾಮೆರಾ ಎದುರಿಸಿದ ಶ್ವೇತಾ ನಂದಾ
Editor’s Pick More