ಟೀಸರ್‌ | ಆರ್‌ಜಿವಿ-ನಾಗಾರ್ಜುನ ಜೋಡಿಯ ಆಕ್ಷನ್‌ ಡ್ರಾಮಾ ‘ಆಫೀಸರ್‌’ 

ರಾಮ್‌ಗೋಪಾಲ್‌ ವರ್ಮಾ ಮತ್ತು ನಟ ನಾಗಾರ್ಜುನ ಜೋಡಿಯ ‘ಆಫೀಸರ್‌’ ತೆಲುಗು ಸಿನಿಮಾದ ಎರಡನೇ ಟೀಸರ್ ಬಿಡುಗಡೆಯಾಗಿದೆ. ಮೊದಲ ಟೀಸರ್‌ ನೋಡಿದ ಸಿನಿಪ್ರಿಯರು, ವರ್ಮಾ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದರು. ಆದರೆ, ಎರಡನೇ ಟೀಸರ್‌ ಕೊಂಚ ಭರವಸೆ ಮೂಡಿಸಿದೆ

ರಾಮ್‌ಗೋಪಾಲ್‌ ವರ್ಮಾ ನಿರ್ದೇಶನದ ‘ಆಫೀಸರ್‌’ ತೆಲುಗು ಸಿನಿಮಾದ ಎರಡನೇ ಟೀಸರ್‌ ಬಿಡುಗಡೆಯಾಗಿದೆ. ಮೊದಲ ಟೀಸರ್ ವೀಕ್ಷಿಸಿದ ಸಿನಿಪ್ರಿಯರು ವರ್ಮಾ ಸಿನಿಮಾದ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದರು. “ಟೀಸರ್‌ನಲ್ಲಿ ಆರ್‌ಜಿವಿ ಸಿನಿಮಾಗಳ ಎಂದಿನ ಝಲಕ್ ಇಲ್ಲ. ಇದೊಂದು ಮಾಮೂಲಿ ಆಕ್ಷನ್‌ ಸಿನಿಮಾದಂತೆ ಭಾಸವಾಗುತ್ತಿದ್ದು, ತಾಂತ್ರಿಕವಾಗಿಯೂ ವರ್ಮಾ ಶೈಲಿ ಕಾಣಿಸುತ್ತಿಲ್ಲ,” ಎಂದು ಟ್ವೀಟಿಗರು ಅಸಮಾಧಾನ ವ್ಯಕ್ತಪಡಿಸಿದ್ದರು. ಇದರಿಂದ ಎಚ್ಚೆತ್ತುಕೊಂಡಂತಿರುವ ವರ್ಮಾ ಈ ಬಾರಿ ಆಕರ್ಷಕ ಟೀಸರ್‌ನೊಂದಿಗೆ ಬಂದಿದ್ದಾರೆ. "ಹೀರೋ ನಾಗಾರ್ಜುನ ನನಗೆ ಯಾವಾಗಲೂ ಅತ್ಯುತ್ತಮ ಆಕ್ಷನ್ ಹೀರೋನಂತೆಯೇ ಕಾಣಿಸುತ್ತಾರೆ. ಜನರು ಕೂಡ ಅವರನ್ನು ಹಾಗೇ ನೋಡಲು ಇಷ್ಟಪಡುತ್ತಾರೆ,” ಎಂದು ಟ್ವೀಟಿಸಿದ್ದಾರೆ ವರ್ಮಾ. ಎರಡನೇ ಟೀಸರ್‌ನಲ್ಲಿ ಭೂಗತ ಜಗತ್ತಿನ ವಸ್ತು, ಪೊಲೀಸರ ಗುಂಡಿನ ಚಟುವಟಿಕಗಳು ಜೋರಾಗಿ ಕಾಣಿಸುತ್ತವೆ. ಜೊತೆಗೆ ತಂದೆ-ಮಗಳ ಅನುಬಂಧದ ಕೆಲವು ದೃಶ್ಯಗಳಿವೆ. ಇದೇ ತಿಂಗಳ 12ರಂದು ಚಿತ್ರದ ಟ್ರೈಲರ್ ಬಿಡುಗಡೆಯಾಗಲಿದೆ.

ವರ್ಮಾ ಮತ್ತು ನಟ ನಾಗಾರ್ಜುನ ಇಪ್ಪತ್ನಾಲ್ಕು ವರ್ಷಗಳ ನಂತರ ಜೊತೆಯಾಗಿರುವ ಬಹುನಿರೀಕ್ಷಿತ ಚಿತ್ರವಿದು. ಅಂಡರ್‌ವರ್ಲ್ಡ್‌ ಹಿನ್ನೆಲೆಯಲ್ಲಿ ಪೊಲೀಸ್ ಆಧಿಕಾರಿಯ ಸಾಹಸಗಳನ್ನು ತೋರಿಸುವ ಸಿನಿಮಾ ‘ಆಫೀಸರ್‌.’ ಚಿತ್ರದಲ್ಲಿ ನಾಗಾರ್ಜುನ ಪೊಲೀಸ್ ಅಧಿಕಾರಿ ‘ಶಿವ’ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 1989ರಲ್ಲಿ ನಾಗಾರ್ಜುನ್‌ಗಾಗಿ ವರ್ಮಾ ನಿರ್ದೇಶಿಸಿದ ಚಿತ್ರ ‘ಶಿವ’ ಶೀರ್ಷಿಕೆಯೇ ‘ಆಫೀಸರ್‌’ನಲ್ಲಿ ಹೀರೋ ಹೆಸರಾಗಿದೆ. "ಭಾರತೀಯ ಸೆಲ್ಯುಲಾಯ್ಡ್‌ ಇತಿಹಾಸದಲ್ಲೇ ಚಿತ್ರದಲ್ಲಿನ ನಾಗಾರ್ಜುನ ಅವರಂಥ ಪೊಲೀಸ್‌ ಆಫೀಸರ್ ಪಾತ್ರ ಬಂದಿರಲಾರದು,” ಎಂದಿದ್ದಾರೆ ವರ್ಮಾ. ಕತೆ, ಚಿತ್ರಕತೆ ಬರೆದು ನಿರ್ದೇಶಿಸಿರುವ ವರ್ಮಾ ಚಿತ್ರದ ಸಹನಿರ್ಮಾಪಕರೂ ಹೌದು. ಸಿನಿಮಾ ಮೇ 25ರಂದು ತೆರೆಕಾಣಲಿದೆ.

‘ಆಫೀಸರ್‌’ ಮೊದಲನೇ ಟೀಸರ್

ಇದನ್ನೂ ಓದಿ : ಸ್ಮರಣೆ | ನೌಶಾದ್ ಸಂಗೀತ ಸಂಯೋಜನೆಯ ಜನಪ್ರಿಯ ವಿಡಿಯೋ ಹಾಡುಗಳು
‘ಧಡಕ್’‌ ತೆರೆಗೆ | ಮೂಲ ‘ಸೈರಾಟ್’‌ ಸಿನಿಮಾದ ಮ್ಯಾಜಿಕ್‌ ವರ್ಕ್ ಆಗುವುದೇ?
ಬರ್ಗ್‌ಮನ್‌ ಸಿನಿಮಾ ಪ್ರದರ್ಶನದ ನಂತರ ಬೆಂಗಳೂರಿನಲ್ಲಿ ಹೊಸ ಅಲೆ ಎದ್ದಿತು
ಜನುಮದಿನ | 70ರ ದಶಕದಲ್ಲಿ ಕನ್ನಡ ಚಿತ್ರರಂಗದಲ್ಲಿ ಮಿನುಗಿದ ನಕ್ಷತ್ರ ಕಲ್ಪನಾ
Editor’s Pick More