ಗುಹೆಯಿಂದ ಎಲ್ಲ ಬಾಲಕರನ್ನು ಹೊರತಂದ ಥಾಯ್‌ ನೌಕಾಪಡೆ; ಪ್ರಶಂಸೆಗಳ ಸುರಿಮಳೆ

ಥಾಯ್ಲೆಂಡ್‌ ಗುಹೆಯೊಂದರಲ್ಲಿ ಸಿಲುಕಿದ್ದ 12 ಜನ ಥಾಯ್‌ ಯುವ ಫುಟ್ಬಾಲ್‌ ಆಟಗಾರರು ಹಾಗೂ ತರಬೇತಿದಾರನನ್ನು ಸುರಕ್ಷಿತವಾಗಿ ರಕ್ಷಿಸಿ ಹೊರತರಲಾಗಿದೆ. ಈ ಮೂಲಕ, ಅರ್ಧ ತಿಂಗಳ ಮೇಲೆ ನಡೆದ ಸುದೀರ್ಘ ಕಾರ್ಯಚರಣೆ ಯಶಸ್ವಿಯಾಗಿ ಅಂತ್ಯಗೊಂಡಿದ್ದು, ಮೆಚ್ಚುಗೆ ಹರಿದುಬಂದಿದೆ

ಥಾಯ್ಲೆಂಡ್‌ ಗುಹೆಯೊಂದರಲ್ಲಿ ಸಿಲುಕಿದ್ದ 12 ಜನ ಥಾಯ್‌ ಯುವ ಫುಟ್ಬಾಲ್‌ ಆಟಗಾರರು ಹಾಗೂ ತರಬೇತಿದಾರನನ್ನು ಸುರಕ್ಷಿತವಾಗಿ ರಕ್ಷಿಸಿ ಹೊರತರಲಾಗಿದೆ. ಈ ಕುರಿತು ಮಾಹಿತಿ ನೀಡಿರುವ ಥಾಯ್‌ ನೌಕಾಪಡೆಯ ಅಧಿಕಾರಿಗಳು, 18 ದಿನಗಳಿಂದ ಗುಹೆಯಲ್ಲಿದ್ದ 13 ಜನರನ್ನು ರಕ್ಷಿಸಿದ ಬಗ್ಗೆ ತಿಳಿಸಿದ್ದಾರೆ. ಈ ಮೂಲಕ, ಅರ್ಧ ತಿಂಗಳ ಮೇಲೆ ನಡೆದ ಸುದೀರ್ಘ ಕಾರ್ಯಚರಣೆ ಯಶಸ್ವಿಯಾಗಿ ಅಂತ್ಯಗೊಂಡಿದೆ. ಥಾಯ್ ನೌಕಾಪಡೆಯ ಕಾರ್ಯಚರಣೆಯ ಬಗ್ಗೆ ಜಗತ್ತಿನಾದ್ಯಂತ ಪ್ರಶಂಸೆ ವ್ಯಕ್ತವಾಗಿದೆ.

ಇದನ್ನೂ ಓದಿ : 1 ಕಿಮೀ ಆಳದ ಗುಹೆಯಲ್ಲಿ 15 ದಿನ ಸಿಲುಕಿದ್ದ ಬಾಲಕರ ರಕ್ಷಣಾ ಕಾರ್ಯ ಹೇಗಿದೆ?

ಒಂದು ಕಿಮೀ ಆಳದ ದುರ್ಗಮ ಗುಹೆಯಲ್ಲಿ ಸಿಲುಕಿದ್ದ 4 ಜನರನ್ನು ಮಂಗಳವಾರ ಹೊರತರುವ ಮೂಲಕ ಕಾರ್ಯಾಚರಣೆಯನ್ನು ಅಂತ್ಯಗೊಳಿಸಿರುವುದನ್ನು ಥಾಯ್‌ ನೌಕಾಪಡೆ ತನ್ನ ಫೇಸ್‌ಬುಕ್‌ ಪೇಜ್‌ನಲ್ಲಿ ಬರೆದುಕೊಂಡಿದೆ. ಥಾಯ್‌ಲ್ಯಾಂಡ್‌ನ ಚಿಯಾಂಗ್‌ ರೈ ಪ್ರಾಂತ್ಯದಲ್ಲಿ ಥಾಮ್‌ ಲುವಾಂಗ್‌ ಹೆಸರಿನ ಗುಹೆಯಲ್ಲಿ ಭೀಕರ ಪ್ರವಾಹದ ಕಾರಣ ಕಳೆದ 18 ದಿನಗಳಿಂದ ಸಿಲುಕಿದ್ದ ಯುವ ಫುಟ್ಬಾಲ್‌ ಆಟಗಾರರನ್ನು ರಕ್ಷಿಸುವ ವಿಡಿಯೋಗಳು ಇತ್ತೀಚೆಗೆ ವೈರಲ್‌ ಆಗಿದ್ದವು.

ಟ್ರಂಪ್ ಸೂಚಿಸಿದ ಸುಪ್ರೀಂ ನ್ಯಾಯಮೂರ್ತಿ ಮೇಲೆ ಲೈಂಗಿಕ ದೌರ್ಜನ್ಯ ಆರೋಪ
ಮಾಲ್ಡೀವ್ಸ್ ಅಧ್ಯಕ್ಷೀಯ ಚುನಾವಣೆ; ಭಾರತ ವಿರೋಧಿ, ಚೀನಾ ಬೆಂಬಲಿಗ ಯಮೀನ್‍ಗೆ ಸೋಲು
ತಾರಕಕ್ಕೇರಿದ ಅಮೆರಿಕ-ಚೀನಾ ಶೀತಲ ಸಮರ; ಪರಸ್ಪರ ಎಚ್ಚರಿಕೆ ರವಾನೆ
Editor’s Pick More